Kea mɛ nyʋ 'je tɔ' "i tba
125
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' mu ɛ.
Nyʋ ‑tba' Kea tɔi" ɛ ʋʋ ‑kɔ' Selisalɛmʋ,
ɛ seɛ 'bɛɛ ɛ 'je i ‑suua'‑.
2 Ka crʋ ‑pian' Selisalɛmʋ,
‑wɛe ɛ nɩa 'de ɩa' ‑kwea' a;
'kamɔ Tʋ "bo po 'saan 'de ɛɛ' 'cɛ 'dewei,
'de 'wɩ 'o 'wɩ ‑wee'‑ "klein 'di.
3 'Diwɔnynii se "isrɛnyʋ 'a ‑kwlɔ 'blei,
'de ɛ je kan' nɩ, ɔ ke ʋʋ je sʋn o bee‑,
'de dɛsaʋn nʋ ‑tɩ' 'ʋn.
4 'Oo Tʋ "bo,
‑ɩn ‑nmɔ 'diwɔn 'de nyɔ ‑nmɔa 'diwɔn ke,
nyʋ ‑ʋʋa pɛe "srɛai ‑pee.
5 'Kaa nyʋ ‑a kpa plaa ‑je ke,
nyʋ ‑a nʋa "jrii nynii dɩ ɛ,
Tʋ "bo ‑sa ʋʋpʋ‑ a ma" i.
Israɛ 'je pɛe 'a blua'.